Lleoliad Nesaf
Lleoliad Nesaf
Swansea City v Cardiff City
Liberty Stadium
Swansea
27.10.19
Cydnabyddiaeth wynebau awtomataidd yw meddalwedd sy’n gallu canfod wynebau yn awtomatig mewn delwedd neu fideo a chymharu a chronfa ddata o ddelweddau wyneb.
Operationally it used to:
Mae AFR yn cynnwys dwy ran, Adnabod a Lleoli. Maent yn gweithio gyda'i gilydd er mwyn helpu i chwilio am bobl.
Mae Adnabod AFR yn ffordd 'Amser araf' o ddefnyddio technoleg AFR, gan gymharu lluniau llonydd o unigolion dan amheuaeth anhysbys a phersonau o ddiddordeb, â chronfa ddata o oddeutu 500,000 o ddelweddau o bobl a dynnwyd yn y ddalfa, gan ddychwelyd dros 200 o ganlyniadau.
Defnydd 'Amser byw' o dechnoleg AFR yw Lleoli AFR, sy'n cymharu ffrydiau camera byw o wynebau â rhestr wylio a bennwyd ymlaen llaw er mwyn 'lleoli'r' personau o ddiddordeb. Mae hyn yn cynhyrchu cyfatebiadau posibl sy'n cael eu hadolygu gan y gweithredwr/gweithredwyr.
CAMERA PTZ
Camera sy'n gallu closio, ffocysu a throi o gwmpas 360° yw Camera Pan Tilt Zoom.
CAMERA STATIG
Mae hwn yn gamera gosodedig mewn un lleoliad ac ni all y Gweithredwr ei symud.
CYFATEBIAD POSIBL
Mae gweithredwr Adnabod AFR yn credu mai'r un person yw delwedd y chwiliedydd a'r ddelwedd ymgeisiol.
CYFRADD RHYBUDDION ANGHYWIR (CYFRADD CANLYNIADAU POSITIF ANGHYWIR)
Nifer y rhybuddion anghywir ymhlith yr holl wynebau a welwyd gan y dechnoleg.
DANGOSFWRDD
Rhyngwyneb ryngweithiol ar y we y gall defnyddwyr ei ffurfweddu i roi cipolwg ar wybodaeth am yr unigolion diweddaraf i'w beru a defnyddio rhai elfennau ffurfweddu o'r cynnyrch.
DELWEDD Y CHWILIEDYDD
Delwedd lonydd o berson anhysbys a brosesir gan y dechnoleg AFR.
DELWEDD YMGEISIOL
Delwedd o berson mewn rhestr wylio
FFRAMIAU YR EILIAD
Nifer y fframiau y gellir eu dadansoddi gan dechnoleg AFR yr eiliad. Mae fframiau yr eiliad yn ogystal ag wynebau fesul ffrâm yn hafal i'r wynebau y gellir eu gweld gan y dechnoleg yr eiliad.
GWEITHREDWR
Swyddog neu aelod o staff Heddlu De Cymru sydd wedi'i bennu i weithredu'r dechnoleg AFR. Ni fydd gweithredwyr yn gallu gweld unrhyw Restr Wylio sydd wedi'i chadw oni bai bod Rhybudd
PERSON(AU) O DDIDDORDEB
Mae'r term hwn yn cynnwys pobl y mae'r heddlu'n chwilio amdanynt mewn perthynas â gwarantau a phobl sydd dan amheuaeth am gyflawni troseddau penodol. Gall hefyd gynnwys pobl ar goll a phobl sy'n agored i niwed (e.e. dioddefwyr dementia) ac at ddibenion cudd-wybodaeth.
RHESTR WYLIO
Mae'r Rhestr Wylio'n darparu system i grwpio unigolion.
RHYBUDD
Hysbysiad a ysgogir gan dechnoleg Lleoli AFR pan gaiff cyfatebiad posibl ei wneud. Yna caiff y rhybudd hwn ei ddangos i'r gweithredwr.
RHYBUDDION ANGHYWIR (CANLYNIADAU POSITIF ANGHYWIR)
Cyfatebiad a gynigir gan y dechnoleg AFR a dybir yn anghywir gan y gweithredwyr.
RÔL
Gall defnyddwyr cael eu pennu i un neu fwy o Rolau. Pecyn o hawliau yw Rôl, sy'n caniatáu mynediad at nodweddion y rhaglen AFR.
SGÔR
Wrth gynnal cymariaethau, mae'r dechnoleg AFR yn sgorio cyfatebiadau posibl ar sail eu tebygrwydd.
tîm ymyrraeth
Fel rheol mae dau swyddog sy'n cael eu dyrannu i leoliad lleoli AFR Locate unigol (fan). Gall gweithredwyr anfon timau ymyrraeth i atal unigolion lle maen nhw'n credu bod cyfatebol a gynhyrchir gan y system AFR yn wir gadarnhaol.
WYNEBAU FESUL FFRÂM
Nifer y wynebau y gellir eu dadansoddi gan y dechnoleg fesul ffrâm
Lleoliad Nesaf
Lleoliad Nesaf
Swansea City v Cardiff City
Liberty Stadium
Swansea
27.10.19
Lleoliadau gorffennol
O ble rydych chi'n cael eich delweddau ar gyfer y rhestr wylio?
Fel arfer byddwn yn cael delweddau o'r gronfa ddata o ddelweddau a dynnwyd yn y dalfa a rennir rhwng Heddlu De Cymru a Heddlu Gwent.
Yn ystod defnydd byw, os byddaf yn cerdded heibio i'r camera a gaiff delwedd ohonof ei storio?
Os nad yw'r system yn gwneud cyfatebiad nid yw eich delwedd yn cael ei chadw.
Sut rydw i'n gwybod pryd bydd Lleoli AFR yn cael ei ddefnyddio?
Defnyddir Lleoli AFR bob amser yn agored a chyn ei ddefnyddio byddwn yn defnyddio cyfryngau cymdeithasol i hysbysebu'r ffaith ein bod yn ei ddefnyddio, yn ystod y broses defnyddir arwyddion. Mae pob cerbyd AFR wedi'i farcio'n glir.
Os byddaf yn cerdded heibio i'r camera a seinir rhybudd, beth sy'n digwydd i'r ddelwedd ohonof?
Caiff y ddelwedd ei dileu ar unwaith ar ôl defnyddio'r dechnoleg ac mewn unrhyw achos o fewn 24 awr.
Os byddaf yn gweld y fan AFR ac yn osgoi'r camera a fyddaf yn cael fy chwilio neu fy arestio?
Na, nid yw osgoi camerâu AFR ynddo’i hun yn gyfystyr â sail dros chwilio neu arestio rhywun.
Beth sy'n digwydd os byddaf yn cerdded heibio i'r camera a chaiff rhybudd ei seinio?
Efallai y bydd swyddog heddlu am siarad â chi er mwyn cadarnhau pwy ydych.
Beth fydd yn digwydd os oes rhywun wedi siarad â fi o ganlyniad i rybudd?
Bydd y swyddog yn esbonio pam mae wedi siarad â chi a lle y bo'n bosibl yn eich gwahodd i weld y dechnoleg. Hefyd, cewch Hysbysiad Preifatrwydd (gweler yr adnodd) a fydd yn rhoi rhagor o wybodaeth i chi.
A oes yna ragfarn ar sail rhyw neu ethnigrwydd wrth ddefnyddio'r dechnoleg?
Ar ôl adolygu 18 mis o ddefnyddio'r dechnoleg nid oes tystiolaeth i gefnogi'r honiad hwn (gweler adnoddau).
Mae ein rhestrau gwylio ar gyfer Lleoli AFR yn cynnwys unigolion y mae'r heddlu'n chwilio amdanynt neu'n amau eu bod wedi cyflawni trosedd.
Mae ein rhestrau gwylio ar gyfer Lleoli AFR yn cynnwys unigolion y mae'r heddlu'n chwilio amdanynt neu'n amau eu bod wedi cyflawni trosedd.
Adnoddau
Adroddiad Gwerthuso AFR '18
Astudiaeth achos Cymru yn erbyn yr Eidal
AFR Standard Operating Procedure
Privacy Impact Assessment
Data Protection Impact Assessment
Letter back from our Chief Constable to Big Brother Watch's open letter on facial recognition
Equality Impact Assessment
Data Protection Legislation Sensitive Processing Part 3
Data Protection Legislation Sensitive Processing GDPR